WANANCHI SIMIYU WAENDELEA NA USAJILI WA VITAMBULISHO VYA TAIFA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
 Mkoa wa Simiyu ni miongoni mwa mikao 12 ya Tanzania inayoendelea na zeozi la kuwasajili wananchi kwa lengo la kuwapatia Vitambulisho vya Taifa.
Kwa sasa zoezi hilo limeingia kwenye awamu ya pili ya Usajili katika wilaya zote za mkoa huo ambazo ni Bariadi, Meatu, Busega, Maswa na Itilima huku mwitikio wa watu ukiwa mkubwa.
wanaoshiriki kwenye zoezi hilo ni wananchi wote wenye umri wa miaka 18 na kuendelea, wageni na Wakimbizi.

Pichani ni Maafisa Usajili wa Mamlaka ya Vitambulisho vya Taifa (NIDA) wakiwachukua alama za Kibaiolojia wananchi wa mkoa wa Simiyu Kijiji cha  Mwakiboro wakati zoezi la Usajili likiendelea .
Zoezi la Usajili likiendelea katika Kijiji cha Kilulu wilayani Bariadi 

Wananchi wa Kijiji cha Mwakiboro mkoani Simiyu wakisubiri kupatiwa huduma ya Uandikishwaji Vitambulisho vya Taifa.
 

BARIADI KUTUMIA BILIONI 4.9/- KUJENGA STENDI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Imeandikwa na Shushu Joel, Bariadi
HALMASHAURI ya mji wa Bariadi, Simiyu imesaini mkataba wa Sh bilioni 4.9 na kampuni ya JV Kings & Helem Contractors ya Dar es Salaam kujenga stendi ya kisasa ya mabasi Somanda na kilomita 1.5 za barabara ya lami.
Akizungumza kabla ya kusaini mkataba huo, Mkurugenzi wa Halmashauri ya mji wa Bariadi Melkizedeck Humbe, alisema fedha za mradi huo zimetolewa kwa mkopo na Benki ya Dunia.
Alisema mradi huo utajumuisha ujenzi wa nyumba na ujenzi wa barabara hiyo kutoka Bariadi Sekondari hadi Nyamhimbi na barabara ya Ikulu kwenda ofisi ya Mkuu wa Mkoa. Alisema mkataba huo utatekelezwa ndani ya mwaka mmoja na akawataka wakandarasi hao kuzingatia mikataba kuhusu suala la mazingira.
Mwenyekiti wa Halmashauri ya mji wa Bariadi, Robart Lweyo alisema ujenzi huo utaharakisha maendeleo kwani miundombinu ikikamilika halmashauri hiyo itapata ushuru wa mabasi.
Lweyo alimtaka mkandarasi huyo kuzingatia muda wa mkataba huo akisema baadhi ya wakandarasi wanafanya miradi mingi mwisho wake inawashinda kukamilisha kwa wakati. Mhandisi wa JV Kings & Helem Contractors, Happy Lebe alisema watajitahidi kutekeleza mradi huo kwa haraka ili ikiwezekana wakamilishe kabla ya mkataba huo kuisha.
CHANZO HABARI LEO

WALIMU MASWA WAPIGWA MARUFUKU SIASA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Imeandikwa na Shushu Joel, Maswa
Mkurugenzi Mtendaji wa Halmashauri ya wilaya ya Maswa, Dk Fredrick Sagamiko
WALIMU wa sekondari na msingi wa shule zinazomilikiwa na serikali wilayani Maswa mkoani Simiyu wameonywa kujihusisha na siasa kwani kufanya hivyo ni kwenda kinyume na taratibu za utumishi wa umma.
Onyo hilo limetolewa jana na Mkurugenzi Mtendaji wa Halmashauri ya wilaya ya Maswa, Dk Fredrick Sagamiko wakati akizungumza katika mkutano mkuu wa Chama cha Walimu Tanzania( CWT) wa wilaya hiyo ya Maswa.
Alisema kuna wimbi kubwa la watumishi wa Serikali kushiriki masuala ya vyama vya siasa kwa kasi, huku walimu wakiwa wengi kinyume na Sheria za Utumishi wa Umma na watakaobainika kwenda kinyume hawataachwa.
Dk Sagamiko amepiga marufuku Idara ya Elimu Msingi na Idara ya Elimu Sekondari wilayani humo kumhamisha mwalimu bila ya ridhaa ya mkurugenzi mtendaji wa halmashauri hiyo.
Katibu wa CWT wilaya ya Maswa, Emanuel Samara alisema walimu wanadai madeni yao ya muda mrefu ya fedha za likizo na uhamisho na zinapolipwa wakati mwingine huwa ni pungufu. Chama hicho kimekabidhi mabati 520 ya Sh milioni 8.8 kwa walimu 26 waliostaafu, ikiwa ni kuwashukuru kwa utumishi wao uliotukuka.
CHANZO HABARI LEO

WAFUGAJI NYUKI WATAKIWA KUANZISHA VIWANDA VIDOGO KUONGEZA THAMANI MAZAO YA NYUKI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

MAWASILIANO YAONGEZA KASI YA UKUSANYAJI WA MAPATO YA SERIKALI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Mwenyekiti wa Kamati ya Bunge ya Miundombinu Prof. Norman Sigalla King akisisitiza jambo wakati wa ziara ya Kamati ya kukagua maendeleo ya ujenzi wa mnara wa TTCL kwenye kijiji cha Sanga Itinje kilichopo Kata ya Itinje wilaya ya Meatu mkoani Simiyu. Kushoto kwa Mwenyekiti ni Mtendaji Mkuu wa Mfuko wa Mawasiliano kwa Wote Eng. Peter Ulanga.


Mkuu wa Mkoa wa Mwanza Bwana John Mongella akiongea kuhusu mchango wa mifumo ya mawasiliano katika kuongeza kasi ya ukusanyaji wa mapato ya Serikali mbele ya Kamati ya Bunge ya Miundombinu na watendaji wa kampuni za simu wa mkoani Mwanza (hawapo pichani) wakati wa ziara ya Kamati hiyo ya kukagua ujenzi wa minara, ufikishaji na upatikanaji wa huduma za mawasiliano vijijini mkoani Mwanza. Aliyeketi ni Mwenyekiti wa Kamati ya Bunge ya Miundombinu Prof. Norman Sigalla King. 


Meneja wa TTCL mkoa wa Shinyanga Bwana Abdallah Lugage akitoa taarifa kwa Kamati ya Bunge ya Miundombinu kuhusu maendeleo ya ujenzi wa mnara wa kampuni hiyo kwenye kijiji cha Sanga Intinje kilichopo kata ya Intinje wilaya ya Meatu mkoani Simiyu. Wa tatu kushoto ni Mwenyekiti wa Kamati hiyo Prof. Norman Sigalla King.
Wajumbe wa Kamati ya Bunge ya Miundombinu, watendaji wa Mfuko wa Mawasiliano kwa Wote, wafanyakazi wa TTCL na wanakijiji wakiwa kwenye picha ya pamoja wakati wa ziara ya Kamati hiyo ya kukagua maendeleo ya ujenzi wa mnara wa kampuni hiyo kwenye kijiji cha Sanga Intinje kata ya Intinje iliyopo wilaya ya Meatu mkoani Simiyu.


Serikali ya Awamu ya Tano ya Jamhuri ya Muungano wa Tanzania inayoongozwa na Dkt. John Pombe Magufuli imesisitiza kwa taasisi za Serikali, sekta binafsi na wananchi kwa ujumla kulipa kodi kwa wakati ili nchi iweze kuongeza mapato yake kwa lengo la kukuza uchumi, kujenga miundombinu ya barabara, reli, bandari, mawasiliano, kuboresha utoaji wa huduma za kijamii na kuweza kuwatumika wananchi.

Hayo yameelezwa na Mwenyekiti wa Kamati ya Bunge ya Miundombinu Mhe. Prof. Norman Sigalla wakati wa ziara ya Kamati yake ya kukagua ujenzi wa minara, ufikishaji na upatikanaji wa huduma za mawasiliano vijijini na kwenye maeneo yasiyo na mvuto wa kibishara kwenye mikoa ya kanda ya ziwa ya Mwanza na Mara ambapo Serikali imetoa ruzuku kwa makampuni ya simu za mkononi ili ziweze kutoa huduma za mawasiliano kwa wananchi kupitia Mfuko wa Mawasiliao kwa Wote (UCSAF) ulio chini ya Wizara ya Ujenzi, Uchukuzi na Mawasiliano.

Ameongeza kuwa Kamati yake inasimamia sekta ya miundombinu yote nchini ikiwa ni pamoja na miundombinu ya mawasiliano ambayo inategemewa na Serikali katika kukuza uchumi na kuiwezesha nchi yetu kufikia uchumi wa kati na kuwa nchi ya viwanda. Prof. Norman Sigalla King amesema kuwa miundombinu na huduma za mawasiliano ni moja ya nguzo kuu za ukuaji wa uchumi, inachochea maendeleo ya taifa letu na kuiwezesha Serikali kuhudumia wananchi wake kwa haraka, wakati, kwa ufanisi na kupunguza gharama za Serikali kuwahudumia wananchi na kuokoa muda. “Serikali imepeleka fedha nyingi kwa ajili ya miundombinu mbalimbali ya nchi yetu kupitia Wizara hii kwenye bajeti ya Serikali ya mwaka wa fedha wa 2017/2018 ili nchi iweze kusonga mbele”, amesema Prof. Norman Sigalla King.

Naye Mkuu wa Mkoa wa Mwanza Bwana John Mongela ameieleza Kamati hiyo kuwa mifumo ya mawasiliano imeiwezesha Serikali ya Mkoa wake kuongeza makusanyo ya mapato katika Halmashauri za mkoa huo kutoka chini ya asilimia 46 kwa mwaka wa fedha uliopita na kufikia asilimia 70 kwa mwaka huu wa fedha ambapo Halmashauri hizo zinatumia zaidi ya asilimia 70 ya makusanyo hayo kuendesha miradi ya maendeleo na kutekeleza majukumu mengine ya mkoa. 

“Suala la mawasiliano duniani popote pale ni nyeti sana kwa kuwa shughuli zote zinafanywa na mawasiliano kama vile miamala ya kifedha, ulinzi na usalama wa raia na mali zake ambapo katika ngazi ya Mkoa tumedhibiti kwa kiwango kikubwa ulinzi na usalama wa raia wetu na hali ya mawasiliano kwenye mkoa wetu ni nzuri na tuna Mkongo wa Taifa wa Mawasiliano,” amesema Mongella. Ameongeza kuwa Mkoa huu ni mkoa wa pili kwa ukubwa wa idadi ya watu na ni mkoa wa pili ambao unaongoza kwa kuchangia kwa kiasi kikubwa mapato na ukuaji wa uchumi wa taifa letu.
Naye Mtendaji Mkuu wa Mfuko wa Mawasiliano kwa Wote (UCSAF) Eng. Peter Ulanga amesema kuwa Mfuko umetoa ruzuku kwa kampuni za simu za mkononi ili kufikisha huduma za mawasiliano kwenye mikoa ya kanda ya ziwa na visiwa vyake takribani 36 vilivyopo kwenye kanda hii ili waweze kutumia mawasiliano kwa ajili ya ulinzi na usalama na shughuli nyingine za kiuchumi na kijamii. 

Ameongeza kuwa kupitia Halotel, UCSAF imepeleka mawasiliano kwenye vijiji 78 vilivyopo kanda ya ziwa na ziara hii inatusaidia kupata maoni ya wadau na kukusanya changamoto ambazo zitasaidia kuboresha jukumu la UCSAF la kufikisha huduma za mawasiliano vijijini na maeneo yasiyo na mvuto wa kibiashara nchini nzima.

Mtaalamu wa miundombinu wa kampuni ya simu ya Halotel wa Mkoa wa Mwanza na Simiyu Bwana Emmanuel Masanja amesema kuwa kampuni yao inajenga minara kwa kukodisha au kupewa ardhi na mamlaka za serikali za vijiji kwa ajili ya ujenzi wa minara hivyo wanaishukuru Serikali kuwapatia ruzuku ya kufikisha mawasiliano vijijini.

Ameongeza kuwa baadhi wa watu wanazuia maendeleo ya ujenzi wa minara kwenye baadhi ya maeneo vijijini ambapo yanasababisha migogoro ambayo inachukua muda mrefu kukamilishwa hivyo kuchelewesha ujenzi wa minara na ufikishaji wa huduma za mawasiliano vijijini.

Bwana Masanja amesema kuwa kampuni yao wanaiomba Serikali iwasaidie kusimamia upatikanaji wa ardhi kwa ajili ya ujenzi wa minara ya mawasiliano kwenye ngazi ya Halmashauri zote nchi nzima ili kuwawezesha wakandarasi kujenga minara kwa wakati ili kuharakisha jitahada za Serikali ya Awamu ya Tano Jamhuri ya Muungano wa Tanzania kufikisha huduma za mawasiliano kwenye vijiji vyote nchi nzima na maeneo yasiyokuwa na mvuto wa kibiashara.

Aidha Mkurugenzi wa Kanda ya Ziwa wa kampuni ya TIGO Bwana Ally Maswanya ameishukuru Serikali kwa kuwapatia ruzuku ya kujenga minara na kufikisha huduma za mawasiliano vijijini kwa kuwa kampuni zetu zinafanya biashara hivyo haikuwa rahisi kwa kampuni za simu za mkononi kuwekeza bali UCSAF imetuwezesha kusambaza mawasiliano vijijini. Vile vile ameiomba Serikali kuwasaidia kufikisha umeme kwenye minara kupitia Wakala wa Nishati ya Umeme Vijijini (REA) kwa kuwa inawapa changamoto ya kuongeza gharama za kuendesha minara hiyo na umeme wa jua hautoshelezi.

Ameongeza kuwa sisi kama kampuni ya Halotel tunapata ushirikiano mkubwa kutoka ofisi za Wakuu wa Mikoa na wilaya kwenye maeneo mbalimbali nchini kwa ajili ya kujenga minara bali changamoto ipo kwenye ngazi za Halmashauri za upatikanaji wa ardhi na utatuzi wa migogoro ya ardhi na ukosefu wa ushirikiano wa kutosha kutoka kwa mamlaka husika ili kufanikisha ufikishaji na upatikanaji wa huduma za mawasiliano vijijini.

Mwenyekiti Prof. Sigalla amesema kuwa nguzo za uchumi mojawapo ni miundombinu kwa maana ya barabara, bandari, reli na mawasiliano na ndiyo maana serikali imepeleka fedha nyingi kwenye bajeti ya mwaka wa fedha wa 2017/18. Ametoa rai kwa wananchi kuwa watoe ulinzi kwenye minara yote ya mawasiliano nchini kwa kuwa Serikali inatumia kodi za wananchi kujenga minara. 

Ameongeza kuwa wananchi watumie fursa ya mawasiliano kwa maendeleo na kujenga uchumi wao na maendeleo ya taifa. Pia ameyaomba makampuni ya simu yote nchini ambayo yamepatiwa ardhi na serikali ya kijiji na kujenga minara irudishe faida kwa wananchi wa eneo husika kwa kuwapatia fedha au huduma za kijamii.

Amesisitiza kuwa kampuni za mawasiliano zitumie fedha waliyopewa na Serikali kujenga minara na kufikisha huduma za mawasiliano vijijini kwa wakati kwa kuwa ucheleweshaji wa kutekeleza jukumu hilo unawanyima wananchi haki ya kupata huduma za mawasiliano. Pia ameongeza kuwa kwa namna yoyte ile kampuni haziwezi kulipa gharama za ucheleweshaji wa kujenga minara hiyo na upatikanaji wa huduma za mawasiliano kwa wananchi na Serikali kwa ujumla. “Maendeleo ni vita, ukipewa ruzuku na Serikali ya kujenga minara na ukichelewesha ni hasara; hakikisheni mnakimbizana kukamilisha jukumu hilo kwa wakati,” amesema Prof. Norman Sigalla King.

Aidha, ametoa rai kwa kampuni za simu zinazopatiwa ardhi bure na Serikali za vijiji mbalimbali nchini kote kutoa fedha kwa vijiji hivyo sehemu ya fedha wanazopata ili vijiji viweze kunufaika na uwepo wa minara hiyo kwa kuwa kampuni zinafanya biashara. 

Ametanabaisha kuwa minara haina madhara kwa wananchi ukilinganisha na usikilizaji wa simu za mkononi kwa muda mrefu zaidi ya dakika tisa. Amewatahadhirisha wananchi kuwa wananchi wasikilize simu kwa muda mfupi na isizidi dakika tisa.

“wananchi watumie vifaa vya kusikiliza simu masikioni kwa wale ambao wanasikiliza simu kwa muda mrefu na minara inayowekwa na UCSAF ni salama na tumieni simu kwa maendeleo chanya,” amesema Prof. Norman Sigalla King. Pia ameipongeza Wizara kwa kazi kubwa inayofanya ya kujenga na kusimamia miundombinu iliyopo kwenye sekta ya ujenzi, uchukuzi na mawasiliano.

Imetolewa na Kitengo cha Mawasiliano Serikalini, Wizara ya Ujenzi, Uchukuzi na Mawasiliano

RC MTAKA APIGA MARUFUKU USHURU WA BIASHARA NDOGONDOGO MAARUFU KAMA MATANDIKO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Mkuu wa Mkoa wa Simiyu, Mhe.Anthony Mtaka akizungumza na wananchi wa Kata ya Dutwa(hawapo pichani) Wilayani Bariadi katika Mkutano wa Hadhara uliofanyika katika Kijiji cha Igaganulwa wakati wa ziara yake aliyofanya kwa lengo la kusikiliza kero za wananchi na kuzitafutia ufumbuzi.
Mkuu wa Wilaya ya Bariadi, Mhe.Festo Kiswaga akizungumza na wananchi wa Kata ya Dutwa (hawapo pichani)katika Mkutano wa Hadhara uliofanyika katika Kijiji cha Igaganulwa wakati wa ziara Mkuu wa Mkoa wa Simiyu, Mhe.Anthony Mtaka aliyofanya Wilayani humo kwa lengo la kusikiliza kero za wananchi na kuzitafutia ufumbuzi.
Diwani wa Kata ya Dutwa Wilayani Bariadi, Mhe.Mapolu Nunde Mkingwa akizungumza na wananchi wa Kata hiyo (hawapo pichani)katika Mkutano wa Hadhara uliofanyika katika Kijiji cha Igaganulwa wakati wa ziara Mkuu wa Mkoa wa Simiyu, Mhe.Anthony Mtaka aliyofanya Wilayani humo kwa lengo la kusikiliza kero za wananchi na kuzitafutia ufumbuzi.
Mkuu wa Mkoa wa Simiyu, Mhe.Anthony Mtaka akizungumza na wajumbe wa Serikali ya Kijiji cha Igaganulwa Kata ya Dutwa (hawapo pichani) Wilayani Bariadi katika Mkutano wa Hadhara uliofanyika Kijijini hapo wakati wa ziara yake aliyofanya kwa lengo la kusikiliza kero za wananchi na kuzitafutia ufumbuzi.

Na Stella Kalinga, Simiyu

Mkuu wa Mkoa wa Simiyu Mhe.Anthony Mtaka amepiga marufuku Halmashauri zote Mkoani humo kutoza ushuru wa biashara ndogondogo zinazofanywa na wananchi kwa kutandika na kupanga bidhaa zao chini au kuuzwa katika mabeseni maarufu kama matandiko.

Mtaka ametoa agizo hilo baada ya Mwenyekiti wa Kijiji cha Igaganulwa, Mhe.Nhandi Masaka Kachala na baadhi ya wananchi kutoa malalamiko yao kuhusu ushuru huo, wakati wa ziara yake wilayani Bariadi yenye lengo la kusikiliza kero za wananchi na kuzitafutia ufumbuzi .

Amesema suala hilo lilishatolewa maelekezo na Rais wa Jamhuri ya Muungano wa Tanzania, Mhe.Dkt.John Pombe Magufuli, hivyo Halmashauri zinapaswa kubuni vyanzo vipya vya mapato vyenye tija kwa Halmashauri na wananchi badala ya kutegemea kutoza ushuru unaowakwaza wananchi.

“Kama kuna Halmashauri bado inatoza ushuru wa matandiko wamechelewa sana, kuanzia kesho hamna huo ushuru, kama ninyi mnafikiri mapato ni kutoza tandiko la nyanya, dagaa, mchicha na ninyi kama wakuu wa idara hiki ndicho chanzo mnachokifikiria kichwani hiyo kazi haiwafai, mkatafute kazi nyingine ya kufanya” alisema Mtaka.

“Halmashauri lazima ibuni chanzo cha mapato chenye tija kwenye Halmashauri na watu. Sasa mtu anahangaika na beseni lake la nyanya wewe unamtoza ushuru, umechangia nini, beseni si lako nyanya si zako” alisema Mtaka.

MAKALA YA SHERIA:AINA MBILI ZA MALI ANAZOSTAHILI MJANE.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
 
Na Bashir Yakub.

Maudhui katika makala haya yanatoka katika Sheria ya Ndoa, sura ya 29, iliyofanyiwa marekebisho 2010, pamoja na Sheria ya Usimamizi na Uendeshaji wa Mirathi,Sura ya 325, R;E 2002. Ziko aina mbili za mali anazostahili mjane.

 Kwanza ni mali inayotokana na machumo ya pamoja yeye na marehemu mme wake . Pili ni urithi anaostashili kupata kama mrithi wa marehemu.

Kwa mfano, mume amefariki. Lakini kabla hajafa huko nyuma walijenga nyumba yeye pamoja na mke wake. Au walinunua kiwanja yeye na mke au gari nk. Mme sasa amefariki na kuacha hizo mali. Katika mali ya namna hii kuna sura mbili.

Sura ya kwanza ni kuwa katika mali hii kuna “share” ya mme na kuna “share “ ya mke. Na “share” ya kila mmoja inatokana na ukweli kuwa kila mmoja kati yao alichangia kupatikana kwa hiyo mali. Kwahiyo kila mmoja ana “share” yake kutokana na kile kiwango alichochangia. Na mchango tulishasema kuwa sio leta ni lete. Hata kazi za nyumbani kama kupika, kufua, kulea watoto nk. nazo ni mchango katka kupatikana kwa mali.

Sura ya pili, ni kuwa kama mume amekufa basi mwanamke kama mke halali anastahili urithi kutoka mali za mumewe. Urithi huu utatoka katika zile mali anazomiliki mumewe yeye kama yeye. Urithi utatoka katika “share” ya mume na si katika “share” nyingine.

Kwahiyo katika mali ileile mjane atakuwa na haki za aina mbili. Haki ya kupata sehemu yake aliyochangia katika kupatikana kwa mali, na haki ya kurithi mali ya mme wake.


RC MTAKA: ZOEZI LA KUONDOA MIFUGO KWENYE MAENEO YA HIFADHI LIFANYIKE KWA WELEDI, HAKI NA UADILIFU

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

PICHA A
Mkuu wa Mkoa wa Simiyu, Mhe.Anthony Mtaka akizungumza na viongozi, watalaam,wafugaji na wadau mbalimbali wa uhifadhi katika kikao maalum cha kujadili suala la kuondoa mifugo katika Pori la akiba la Maswa, Ranchi ya MWIBA na Jumuiya ya Hifadhi ya Wanyamapori ya Makao wilayani Meatu.

PICHA B
Mkuu wa Wilaya ya Meatu, Dkt.Joseph Chilongani akizungumza na viongozi, watalaam,wafugaji na wadau mbalimbali wa uhifadhi katika kikao maalum cha kujadili suala la kuondoa mifugo katika Pori la akiba la Maswa, Ranchi ya MWIBA na Jumuiya ya Hifadhi ya Wanyamapori ya Makao wilayani humo
PICHA C
Baadhi ya viongozi na watalaam wa Mkoa wa Simiyu na Wilaya ya Meatu,wafugaji na wadau mbalimbali wa uhifadhi wakifuatilia hoja mbalimbali zilizokuwa zikijadiliwa katika kikao maalum cha kujadili suala la kuondoa mifugo katika Pori la akiba la Maswa, Ranchi ya MWIBA na Jumuiya ya Hifadhi ya Wanyamapori ya Makao wilayani Meatu.
PICHA D
Meneja wa Pori la Akiba la Maswa, Lusato Masinde akiwasilisha taarifa yake kwa viongozi na watalaam wa Mkoa wa Simiyu na Wilaya ya Meatu,wafugaji na wadau mbalimbali wa uhifadhi katika kikao maalum cha kujadili suala la kuondoa mifugo katika Pori la akiba la Maswa, Ranchi ya MWIBA na Jumuiya ya Hifadhi ya Wanyamapori ya Makao wilayani Meatu.
PICHA E
Katibu wa Jumuiya ya Hifadhi ya Wanayamapori ya Makao, Robert Simon akiwasilisha taarifa yake kwa viongozi na watalaam wa Mkoa wa Simiyu na Wilaya ya Meatu,wafugaji na wadau mbalimbali wa uhifadhi katika kikao maalum cha kujadili suala la kuondoa mifugo katika Pori la akiba la Maswa, Ranchi ya MWIBA na Jumuiya ya Hifadhi ya Wanyamapori ya Makao wilayani Meatu.
PICHA G
Mhifadhi kutoka Ranchi ya MWIBA, Julius Makaroti  akiwasilisha taarifa ya ranchi hiyo kwa viongozi na watalaam wa Mkoa wa Simiyu na Wilaya ya Meatu,wafugaji na wadau mbalimbali wa uhifadhi katika kikao maalum cha kujadili suala la kuondoa mifugo katika Pori la akiba la Maswa, Ranchi ya MWIBA na Jumuiya ya Hifadhi ya Wanyamapori ya Makao wilayani Meatu.
……………………….
Na Stella Kalinga, Simiyu
Mkuu wa Mkoa wa Simiyu, Mhe.Anthony Mtaka ameitaka Kamati ya Ulinzi na Usalama ya Wilaya ya Meatu mkoani humo, ikiongozwa na Mkuu wa Wilaya hiyo,Dkt. Joseph Chilongani kutekeleza kwa weledi, uadilifu na haki zoezi la kuondoa mifugo kwenye maeneo ya hifadhi litakaloanza September 04, 2017.
Mtaka ametoa kauli hiyo mara baada ya viongozi wa Serikali na Chama Mkoa na Wilaya, Wataalam, wafugaji na wadau wa uhifadhi na Utalii kukutana na kujadili suala la uondoaji mifugo katika Maeneo ya Hifadhi, yakiwemo ya  Pori la Akiba la Maswa, Ranchi ya MWIBA na Jumuiya ya Hifadhi ya Wanyamapori (WMA) Makao wilayani Meatu.
“Mkafanye zoezi hili kwa weledi mkubwa na haki, lisije likawa zoezi la kuwaonea watu, kufanya utapeli kwa kujifanya mnachukua ng’ombe kwa ajili ya kutaifisha halafu mkagawana; viongozi na wote mtakaohusika mkalisimamie kwa makini sana suala hili” alisisitiza Mtaka
Mkuu wa Wilaya ya Meatu Mhe.Joseph Chilongani amesema baada ya makubaliano yaliyofikiwa kati ya viongozi, wafugaji na wadau wa uhifadhi na utalii ametoa muda wa siku nne na kufikia Septemba 04 mwaka huu, wafugaji wawe wametoa mifugo katika maeneo ya hifadhi kwa hiari.
Dkt.Chilongani amebainisha kuwa Viongozi wa Wilaya ya Meatu walikutana na wafugaji katika maeneo yao na kuwatahadhalisha juu ya uingizwaji wa mifugo kwenye maeneo ya hifadhi, ili kuwasaidia waepuke adhabu ya kifungo na mifugo yao kutaifishwa kwa kuwa kuingiza mifugo hifadhini ni makosa kwa mujibu wa sheria.
“Maandalizi yote yako tayari, timu za kutekeleza zoezi hili zote zipo, nitoe muda wa siku hizi zilizobaki ili kufikia Jumatatu ya tarehe 04 zoezi la kuondoa mifugo kwenye Pori la Akiba la Maswa, Ranchi ya MWIBA na WMA ya Makao lianze, tulishawapa wafugaji muda wa kutosha tulipokuwa tukipita kwenye vijiji kuzungumza nao juu ya madhara ya  kuingiza mifugo hifadhini” amesema.
Kwa upande wake Meneja wa Pori la Akiba la Maswa Lasato Masinde amezitaja baadhi ya changamoto za kuingiza mifugo katika maeneo ya Hifadhi kuwa ni ushindani wa malisho na maji kati ya wanyamapori na wafugwao,ongezeko la ujangili, kuuwawa kwa wanyamapori hasa walao nyama, magonjwa na mmonyoko wa udongo kutokana na wafugaji kukata miti.
Aidha, Masinde amefafanua kuwa suala la uingizwaji wa mifugo katika hifadhi linachangiwa pia na baadhi ya viongozi wa vijiji wasiokuwa waadilifu ambao hupokea fedha kwa wafugaji na kuwaruhusu kuingiza mifugo yao, jambo ambalo Mkuu wa Mkoa wa Simiyu Mhe.Anthony Mtaka amemuagiza Mkurugenzi Mtendaji wa Halmashauri Meatu kuwachukulia hatua stahiki wale wote watakaobainika kujihusisha na uhalifu huo.
Katika hatua nyingine Mkuu wa Mkoa wa Simiyu, Mhe. Anthony Mtaka ametoa wito kwa wafugaji kupima maeneo yao wanayomiliki na kuyawekea miundombinu ya mifugo kama vile visima vya maji na mabwawa, majosho na mashamba ya malisho ili waweze kufuga kisasa na kuondokana na adha ya kuhangaika kutafuta maji na malisho.
Katika kikao hicho wafugaji kwa pamoja wamekubali kutoa mifugo katika maeneo ya  hifadhi na kukubaliana na ushauri wa Mkuu wa Mkoa wa Simiyu wa kupima maeneo yao na kuweka miundombinu, hivyo wameomba watalaam wa Ardhi na Mifugo waweze kuwasaidia namna wanavyoweza kutumia maeneo yao kufuga kisasa.

WITO UMETOLEWA KWA WANANCHI KUCHANGIA UJENZI VYUMBA VYA MADARASA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Mkuu wa Mkoa wa Simiyu, Mhe.Anthony Mtaka akizungumza na wananchi wa Kata ya Nkololo wilayani Bariadi (hawapo pichani) katika Mkutano wa Hadhara, wakati wa ziara yake aliyofanya kwa lengo la kusikiliza kero mbalimbali za wananchi.
Wajumbe wa Kamati ya Ulinzi na Usalama ya Mkoa wa Simiyu na viongozi wengine wa Mkoa na Wilaya ya Bariadi wakimsikiliza Mkuu wa Mkoa wa Simiyu, Mhe.Anthony Mtaka (hayupo pichani) wakati wa ziara aliyofanya katika Kata ya Nkololo wilayani Bariadi, kwa lengo la kusikiliza kero mbalimbali za wananchi.
Baadhi ya wananchi wa Kata ya Nkololo wilaya ya Bariadi wakimsikiliza Mkuu wa Mkoa wa Simiyu,Mhe.Anthony Mtaka katika Mkutano wa Hadhara aliofanya katika Kata hiyo wakati wa ziara yake yenye lengo la kusikiliza kero mbalimbali za wananchi.

Na Stella Kalinga, Simiyu

Wananchi wa Kata ya Nkololo katika Halmashauri ya Wilaya ya Bariadi wametakiwa kutambua wajibu wao katika kuchangia ujenzi wa Vyumba vya madarasa ili kupunguza tatizo la upungufu wa vyumba vya madarasa katika shule za msingi na sekondari. Wito huo umetolewa na Mkuu wa Mkoa wa Simiyu Mhe.Anthony Mtaka wakati alipokuwa akijibu kero mbalimbali za wananchi katika Mkutano wa Hadhara uliofanyika katika Kijiji cha Nkololo Kata ya Nkololo Wilayani Bariadi.

Mtaka amesema ni vema wananchi wakahamasika kuchangia katika ujenzi wa vyumba vya madarasa kama wanavyochangia katika masuala mengine ili watoto wao wawe na mazingira mazuri ya kusomea. “Kujenga vyumba vya madarasa siyo wajibu wa walimu wetu ni wajibu wenu wenu wazazi, ni lazima wananchi wa Nkololo mjenge vyumba vya madarasa kama mnavyojitoa katika mambo mengine, najua hamuwezi kushindwa kutoa angalau mfuko mmoja wa saruji kila kaya; Nkololo itajengwa na wana Nkololo wenyewe” amesema Mtaka.

Aidha, Mtaka ametoa wito kwa wananchi hao kuzingatia suala la uzazi wa mpango kwa kuwa ongezeko kubwa la watoto ndio linalopelekea idadi kubwa ya wanafunzi ikilinganishwa na vyumba vya madarasa. “Mhe.Diwani nikuombe tengeneza utaratibu hapa na watu wako, Nkololo ni moja ya centre(kituo) kubwa wachangie, wala wasiseme tumechangia sana ni lazima wachangie; na kama hatutajirekebisha kwenye kuzaana, tutachanga, tutachanga, tutachanga” amesema Mtaka.

Naye Afisa Elimu wa Halmashauri ya Wilaya ya Bariadi, Doreen Rutahanamilwa amesema, Serikali kwa kushirikiana na wadau mbalimbali inaendelea na ujenzi wa miundombinu ya elimu vikiwemo vyumba vya madarasa na matundu ya vyoo, hivyo wananchi wanao wajibu kuunga mkono jitihada hizo ili kuleta maendeleo katika sekta ya elimu.

Kuhusu kero ya uharibifu wa mazao unaofanywa na wanyamapori hususani Tembo, ambayo ilitolewa na Luja Masala Mkazi wa Kijiji cha Bubale, Mkuu huyo wa Mkoa amesema, Serikali kupitia watalaam wake wa Wanyamapori watakabiliana na tatizo hilo, hivyo akawataka wananchi wasiache kulima na wazingatie ushauri wanaopewa na watalaam hao.

Akitoa ufafanuzi wa kitaalam juu ya kero hiyo, Mkuu wa Idara ya Ardhi na Maliasili, Ndg.Mazengo Sabaya amesema, Halmashauri imekuwa ikipeleka askari wa Wanyamapori katika maeneo yanayovamiwa na tembo na akawataka wananchi kuendelea kufuata ushauri wa kutumia uzio wa pilipili katika mashamba yao ili kuwazuia tembo hao.

Katika suala la upatikanaji wa mbegu bora, Mkuu wa Mkoa wa Simiyu Mhe.Anthony Mtaka Serikali kupitia kwa wakala wa mbegu ina mpango wa kuhakikisha wakulima wanapata mbegu bora katika bei wanayoweza kuimudu. Katika hatua nyingine Mtaka ametoa maelekezo kwa Halmashauri ya Wilaya ya Bariadi kuhakikisha inaweka mipango ya ujenzi wa stendi, soko na barabara katika kituo cha Nkololo ambacho ni moja vituo vikubwa vya kibiashara wilayani humo.

Mkuu wa Mkoa ameanza ziara katika Halmashauri ya Wilaya ya Bariadi katika Kata ya Nkololo na baadaye atafanya ziara katika kata za Dutwa na Ngulyati ambapo atafanya mikutano ya hadhara na kusikiliza kero mbalimbali za wananchi.

NAIBU WAZIRI AAGIZA HALMASHAURI KUTAMBUA MAENEO YASIYOENDELEZWA NA YASIYOMIKILIWA KIHALALI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Mhandisi Baraka Felix kutoka Kampuni ya EAU Consult akitoa maelezo kwa Naibu Waziri wa Ardhi, Nyumba na Maendeleo ya Makazi, Mhe.Angelina Mabula(Mb)(kulia) alipotembelea eneo la hekta 13 katika Kijiji cha Kalago, Kata ya Lamadi, Wilayani Busega lililokuwa linamilikiwa na Mwekezaji Hermati Pateli kinyume cha sheria, ambaye amefutiwa hati na Serikali.
Mhandisi Baraka Felix kutoka Kampuni ya EAU Consult akitoa maelezo kwa Naibu Waziri wa Ardhi, Nyumba na Maendeleo ya Makazi, Mhe.Angelina Mabula(Mb)(kulia) alipotembelea kuona Ujenzi wa Ofisi ya Mamlaka ya Maji Lamadi itakayosimamia mradi wa maji wa Lamadi unaojengwa katika eneo lililokuwa linamilikiwa na Mwekezaji Hermati Pateli kinyume cha sheria, ambaye amefutiwa hati na Serikali .
Naibu Waziri wa Ardhi, Nyumba na Maendeleo ya Makazi, Mhe.Angelina Mabula(Mb) (kushoto) akipokea maelezo kutoka kwa Mkurugenzi Mtendaji wa Halmashauri ya Wilaya ya Busega, Anderson Njiginya wakati alipotembelea eneo la hekta 13 katika Kijiji cha Kalago, Kata ya Lamadi, Wilayani Busega lililokuwa linamilikiwa na Mwekezaji Hermati Pateli kinyume cha sheria, ambaye amefutiwa hati na Serikali.

Na Stella Kalinga, Simiyu

Naibu Waziri wa Ardhi Nyumba na Maendeleo ya Makazi, Mhe. Angelina Mabula(Mb), ameziagiza Halmashauri nchini, kuyatambua na kuyatolea taarifa maeneo yanayohodhiwa na watu bila kuendelezwa na yale ambayo hayakupatikana kihalali ili Wizara iweze kuchukua hatua stahiki.

Naibu Waziri huyo ameyasema hayo alipotembelea eneo la hekta 13 katika Kijiji cha Kalago, Kata ya Lamadi, Wilayani Busega lililokuwa linamilikiwa na Mwekezaji Hermati Pateli kinyume cha sheria, ambaye amefutiwa hati na Serikali, kisha Halmashauri ya Busega Mkoani Simiyu kuanza ujenzi wa mradi wa maji katika eneo hilo utakaonufaisha vijiji vinne vya kata ya Lamadi.

Mhe.Mabula amesema Halmashauri zinapaswa kutambua maeneo yasiyoendelezwa na yanayomilikiwa kinyume cha sheria na kuwasilisha taarifa katika Wizara ya Ardhi,Nyumba na Maendeleo ya Makazi ili yaweze kuyarejesha kwa wananchi na kupangiwa matumizi mengine yenye manufaa zaidi kwa jamii.

 
Supported by Tone Multimedia Company Limited
Copyright © 2012. Simiyu Yetu - All Rights Reserved
Designed by Fredy Tony Njeje
Proudly powered by Blogs za Mikoa